Ալեն Սիմոնյանը ձեռք է բերել նոր Ռենջ Ռովեռ ավտոմեքենա, որի շուկայական արժեքը տատանվում է 90-130 հազար դոլար

Նարեկ Մանթաշյանը Ֆեյսբուքի իր էջում գրել է՝

ԱԺ փոխխոսնակ Ալեն Սիմոնյանը, ինչպես գիտենք, Եկմալյան 1/1 հասցեում ձեռք է բերել նոր բնակարան, որի համար վճարել է 320 հազար դոլար:

Քիչ առաջ ստացա տեղեկատվություն, որ հուզառատ Ալենը ձեռք է բերել նաև նոր Ռենջ Ռովեռ ավտոմեքենա (նկարում պատկերվածը), որի շուկայական արժեքը տատանվում է 90-130 հազար դոլար:
Շնորհավորում եմ Ալենին և ցանկանում նորանոր հաջողություններ:

Այո, Ալենը ականջալուր եղավ վարչապետի կոչին և հաղթահարեց իր գլխի աղքատությունը:
Իսկ, եթե լուրջ, ապա հարստահարված և պանդեմիայի մեջ օրեցօր թաղվող տնտեսությամբ երկրում, երբ քաղաքացին հացի խնդիր ունի, նման ճոխ կյանքը անբարոյականություն է:

Նիկոլի ասած այն միտքը, որ համավարակը նոր հնարավորություններ է ստեղծում, փաստորեն ճիշտ էր, սակայն այդ հնարավորությունը միայն Ալնանմանների համար է: