«Ափսոս, որ մենք նույն գետի մեջ ենք, ու մենք էլ զրկվեցինք ամենակարեւորից, ինչը ձեզ համար դժբախտ ու դժգույն էր…». Գեւորգ Գրիգորյան

Դերասան Գեւորգ Գրիգորյանը գրառում է արել՝ հրապարակելով Արցախի մուտքն ազդարարող ցուցանակի ապամոնտաժման լուսանկարը։ «Սա ուղղակի ցուցանակ չէր, սրա հետ մեր միջից կարեւոր բան ապամոնտաժվեց ու երբեք չի լրանալու..

Կեցցե այն Հայաստանը, որ բերեցիք, դուք արժանի չէիք Արցախ ունենալու, տիեզերական արդարություն կա։ Ափսոս, որ մենք նույն գետի մեջ ենք, ու մենք էլ զրկվեցինք ամենակարեւորից, ինչը ձեր համար դժբախտ ու դժգույն էր ու պետք չէր..»,- Facebook-յան էջում գրել է նա:

Հիշեցնենք, որ այսօր Քարվաճառը հանձնվեց Ադրբեջանին և Հայաստանի հետ այլևս կապ չունի այդ մասը։ Քարվաճառը պետք է հանձնվեր նոյեմբերի 15-ին, սակայն օրվա հետ կապված փոփոխություն տեղի ունեցավ և այն հանձնվեց այսօր՝ լեգենդար Մոնթե Մելքոյանի ծննդյան օրը։