Եվգենի Պլյուշչենկոյի 8-ամյա որդուն նշանակվել է դատահոգեբուժական փորձաքննություն

Մոսկվայի փաստաբանների միության նախագահ Աննա Բուտիրինան հայտնել է, որ օլիմպիական կրկնակի չեմպիոն Եվգենի Պլյուշչենկոյի և երաժշտական ​​պրոդյուսեր Յանա Ռուդկովսկայայի որդուն նշանակվել է դատահոգեբուժական փորձաքննություն:

Ավելի վաղ լրատվամիջոցները նյութ էին հրապարակել այն մասին, որ ութամյա Ալեքսանդրը հիվանդ է Ասպերգերի համախտանիշով: Ավելի ուշ հայտնի դարձավ, որ հոդվածի պատճառով երեխան հոգեկան տրավմայի է ենթարկվել: Հոդվածի հրապարակումից հետո Ռուդկովսկայան դատական ​​հայց է ներկայացրել նյութի հեղինակների դեմ:

«Հունվարի 28-ին Սաշային նշանակվել է դատահոգեբուժական փորձաքննություն ՝ քրեական գործի շրջանակներում: Յանան, չնայած Սաշայի բոլոր անհանգստություններին, պատրաստ է մեկ անգամ ևս իրեն տանջանքների ենթարկել՝ հետաքննությանը օգնելու համար»,- Բուտիրինային է մեջբերում Sport24-ը: