7 անհարմար բան, որոնք զուգընկերը կպատմի իր մասին, եթե իրոք սիրում է ձեզ

Հարաբերություններն առանձնակի խորություն են ստանում, երբ մարդիկ, իմանալով միմյանց թերությունների մասին, միևնույն է, շարունակում են միմյանց սիրել:

Հարաբերությունների փորձագետ Լորա Ռիչերը կարծում է, որ ձեզ մոտ չի ստացվի լիակատար մտերմության հասնել զուգընկերոջ հետ, եթե դուք վախենում եք կիսվել նրա հետ անհարմար բաներով:

Ներկայացնում ենք այն 7 անհարմար թեմաները, որոնց շուրջ դուք կխոսեք միայն իրոք մտերիմ մարդու հետ:

1. Զգացմունքներ և հույզեր

Որքան էլ որ դժվար լինի, դուք պետք է պատրաստ լինեք ցանկացած պահի խոսել զգացմունքների և հույզերի մասին: Դա թույլ կտա հարաբերություններում անհրաժեշտ բալանսի հասնել: Զգացմունքների մասին խոսելու կարողությունը հաջող և երկարատև հարաբերությունների գրավականն է:

2. Անվստահություն և վախեր

Եթե դուք հարաբերությունների մեջ եք մի մարդու հետ, որը չի վախենում պատմելուց իր վախերի և բարդույթների մասին, նշանակում է՝ նա իրոք ձեզ վստահում է: Նույն կերպ պետք է դուք վստահեք ձեր զուգընկերոջը:

3. Նրա պահանջմունքները հարաբերություններում

Եթե ձեր զուգընկերը բաց խոսում է ձեզ հետ իր պահանջմունքների մասին, դա ապացուցում է, որ նա ձեզ շատ կարևոր մարդ է համարում և ցանկանում է, որ ձեր միությունը հաջող լինի: Նա չի սպասում, որ դուք էքստրասենսի նման կարդաք իր մտքերը, նա միշտ փորձում է համոզված լինել, որ դուք գիտեք, թե որքան մեծ նշանակություն ունեք իր համար:

Related image

4. Ֆինանսական վիճակը

Կարևորագույն հարցերից մեկն էլ հարաբերություններում ֆինանսների հարցն է: Մնալով չլուծված՝ այն հաճախ բաժանման պատճառ է դառնում: Այս թեմայով չխոսելը կարող է մեծ վեճի հանգեցնել և երկարատև կոնֆլիկտի:

5. Սեքսուալ ֆանտազիաներ

Ինտիմ մտերմությունը շատ կարևոր է հարաբերություններում: Ահա թե ինչու է հրաշալի, երբ դուք հանդիպում եք այնպիսի մարդու հետ, որը չի ամաչում պատմել իր սեքսուալ ֆանտազիաների մասին: Դա նշանակում է, որ նրան ձեզ հետ լավ է, այդ թվում՝ անկողնում:

Related image

6. Ցավոտ կյանքի փորձ

Հեշտ է զրուցել դիմացինի հետ լավ բաների մասին, սակայն իրավիճակը հիմնովին փոխվում է, երբ ցանկանում եք պատմել հիասթափեցնող, ցավոտ փորձառության մասին: Այնպես որ, եթե ձեր զուգընկերը չի վախենում պատմել ձեզ իր կյանքի ամենացավոտ ապրումների մասին, դա նշանակում է, որ դուք իրոք մտերիմ մարդու եք հանդիպել:

7. Ընտանեկան խնդիրներ

Եվ վերջապես, եթե զուգընկերը սկսում է պատմել իր ընտանեկան անախորժությունների մասին, դա վկայում է, որ նա ձեզ իր ընտանիքի մի մասնիկն է համարում, որ նրա համար դուք վստահելի ու հարազատ մարդ եք դարձել: