657689870

Փարիզի Գրեւինի թանգարանը հանել է Ռուսաստանի նխագահ Վլադիմիր Պուտինի մոմե արձանը՝ ի նշան Ուկրաինա ներխուժման դեմ բողոքի, որից հետո այցելուները հանգստյան օրերին վնասել են այն:

putin

Արձանը, որը ստեղծվել է 2000-ին, տեղափոխվել է պահեստ, եւ թանգարանը քննարկում է Պուտինի արձանը Ուկրաինայի նախագահ Վլադիմիր Զելենսկիի արձանով փոխարինելու հարցը:

«Այսօր արդեն անհնար է ներկայացնել նման պերսոնաժ, ինչպիսին նա է… թանգարանի պատմության մեջ առաջին անգամ մենք արձան ենք հանում ներկայումս տեղի ունեցող պատմական իրադարձությունների պատճառով»,-ասել է թանգարանի տնօրեն Իվ Դելոմոն France Bleu ռադիոկայանին:

Vladimir-Putin

Նրա խոսքով, հանգստյան օրերին արձանը ենթարկվել է այցելուների հարձակումներին եւ վնասվել. «Հաշվի առնելով տեղի ունեցածը, մենք եւ մեր աշխատակիցները չենք ուզում ամեն օր ուղղել նրա սանրվածքն ու արտաքին տեքսը»,-ասել է նա:

Թանգարանի ներկայացուցիչը նշել է, որ հասկանալի չէ, թե ինչ հանգամանքների դեպքում կարող է արձանը վերադառնալ: