pomidory

Կառավարությունը համաձայնություն տվեց Լճաշեն բնակավայրի սեփականությունը հանդիսացող շուրջ 51,4 հա հողամասներն ուղիղ վաճառքով օտարել՝ «Արդյունաբերական ջերմոցային համալիր» ներդրումային ծրագիրն իրականացնելու նպատակով։ Որոշումն ընդունվեց գործադիրի փետրվարի 17-ի նիստում։

lolik

Որոշման նախագծի հիմնավորմամբ՝ Էդուարդ Օհանյանի կողմից հիմնադրված «Գրին Սոլուշնս» ՍՊ ընկերությունը ցանկություն է հայտնել համայնքում իրականացնել 48 մլն եվրոյին համարժեք դրամի ներդրումային ծրագիր։ Ստեղծվելու են 400-450 նոր աշխատատեղեր։ Նախատեսվում է կառուցել խոշոր արդյունաբերական ջերմոցային համալիր։ 

«Ծրագիրն ընդհանուր առմամբ իրականացվելու է 115 հա տարածքի վրա և ընդգրկելու է Լճաշեն և Վարսեր բնակավայրերի հողերը։ Ծրագրով նախատեսվում է կառուցել 45 հա ընդհանուր տարածքով ջերմոցային խոշոր համալիր և 2,7 հա մակերեսով արդյունաբերական տնկարան, մյուս տարածքները կծառայեն ենթակառուցվածքների համար։ 60 ամիս է նախատեսված շինաշխատանքների ավարտի համար, այդ ընթացքում 350-400 ժամանակավոր աշխատատեղեր կստեղծվեն, դրանից հետո կլինի 400-ից ավելի մշտական աշխատանք»,- նշեց Սանոսյանը։

lolik

Ըստ նախարարի՝ աշխատատեղերի մոտ 75 տոկոսը կանանց համար է նախատեսված։ Ակնկալվում է, որ վերջանական արդյունքում տարեկան մոտ 12 հազար տոննա բանջարեղեն կարտադրվի, որի 80 տոկոսը նախատեսվում է արտահանել։