Արհավիրքը, որը եղել է մեզ հետ, մեծ ինքնախաբեության արդյունք է՝ պետք է, ուղիղ խոսել իրար հետ․Ա․Միրզոյան

Պարտությունից պարտավոր ենք դասեր քաղել, պարտավոր ենք զբաղվել մեր պաշտպանական հզորությունների ավելացմամբ։ Եռաբլուրում լրագրողների հետ զրույցում նման կարծիք հայտնեց ՀՀ արտաքին գործերի նախարար Արարատ Միրզոյանը։

ararat-mizroyan-erablur

Հարցին` ինչպես է վերաբերվում հնչող քննադատություններին, թե հայ-թուրքական հարաբերությունների առնչությամբ ԱԳ վարած քաղաքականությունը պղծում է Եռաբլուրը, Միրզոյանը պատասխանեց, թե չի ուզում մեկնաբանել ընդդիմության տեսակետները։«Խնդրում եմ ընդդիմությունից հետաքրքրվեք, թե ինչպես է եղել, որ 1990-ականների վերջերից գրեթե չի եղել որևէ տարի, որ հայ-թուրքական երկխոսության ուղղությամբ որևէ բանակցություն, քննարկում, նամակագրություն չլինի։ Այնպես որ, խնդրում եմ, այդ հեքիաթները դրեք մի կողմ, մի՛ թույլ տվեք, որ իրենց ընդդիմադիր հռչակածները մանիպուլացնեն մարդկանց ու խաբեն»,-ասաց Միրզոյանը։

yerablur

Նրա խոսքով՝ բավական է ապրել խաբկանքի մեջ, քանի որ արհավիրքը, որը եղել է մեզ հետ, մեծ ինքնախաբեության արդյունք է՝ պետք է իրականությանն առերեսվել, ուղիղ խոսել իրար հետ։Միրզոյանը նշեց, թե պետք չէ նախկինի պես գնալ-բանակցել ու գալ տանը մեկ այլ բան ասել։ Նա վստահեցրեց, որ հայ-թուրքական հարաբերությունների առնչությամբ ինչ ինքը բանակցում է, ամեն ինչի մասին հրապարակային հայտնում են։